Pagsubok lang yan by Rexcel

Dear Prototaloy,

Ako diay si Rexcel apan sa di pa ko  ko pa sugdan sa pagsaysay ang akong kaagi akong e request ang awit nga nag uluhan ug "PAGSUBOK".

Taga Datu Wasay Kalamansig Sultan Kudarat ko, Senior High School. Eight me kabook nga mga igsoon, ug ika-unom ko.  Pobre lang gyud me sa pagkatinood, akong mama nagtrabaho isip maid aron makaeskwela lang me, kay farmer lang man ug nag sideline ako papa isip panday. Ug tungod kay daghan me, dili gyud igo ang ilang pangita.  Ang akong mga magulang na uban nag working student, para maka eskwela ug college, kay high school lang man ang kaya sa among parents.

Sa dihang high school pa ko Honor student jud ko.  Di gyud ma zero sila mama inig sak-anay ug stage. Sa tinood lang determinado gyud ko sa ako pag eskwela, wala gyud ko nag sulod anang uyab-uyab kay gusto gyud naku nga makahuman ug skwela.  Inig summer vacation mo apil ko ug spes or summer job sa among Municipyo.  Bukid pa to amo, layo sa among municipyo pero mo apil gihapun ko arun lang maka kwarta ug makatabang sa among parents.

Sa dihang grade 10 pa ko didto ko nagpuyo sa ako ate, nag luto-luto man siya ug mga kakanin kay daplin man kalsada ug atbang ilang balay sa eskwelahan, dili dalo akong ate pero usahay sakit lang siya manulti, di gani siya halos mag adto sa among balay. Pero bisan ing-ato siya gi antos nako tungod kay nalooy ko niya kay buntis siya ug gusto sab nako makatabang nilang mama arun di na sila makagasto nako.

Ma igo ra ila kwarta ipadala sa ako mga magulang nga nag eskwela, usahay ma late ko sa klase tungod nga tabang pa man ko bantay ug tindahan sa ako ate. Enjoy baya ko bisan usahay kasab-an ko niya pag may sugo siya nga wa natuman. Bisag masuko siya usahay kung tag alas-onse nako matulog kay mag study pa. Grave gyud akong expectation, nag expect jud ko nga maka honor inig completion namu apan na shock na lang ko sa dihang gipatawag ko sa among Maestro.  May bag-o kuno nga memorandum, mag depende na per subject 85 ang average 1st to 4rth grading.  Hina kaayo ko sa math mao wa ko na Honor.  Puerti nakong hilak sa atubangan sa ako Maestro pag kahibalo nako. Mao wa nako ning sulod ato nga time kay na discourage ko na discourage jud ko.

Pero sakit diay kaayo nga makita nimo ang imong classmates nga mo palit sa among tindahan mangutana nimo. Na realize nako nga wa gani to na discourage ang uban nga wa jud naka try ug honor sukad-sukad.  Daghan nag advice nako nga mo paso ko, kay daghan man daw ko ug award di man daw ko angay maguol. Mao pila ka adlaw ni apil ko ug practice, ug behind jud ko sa ila kay naka practice na man sila. Pero kadugayan nakat-on ra ko ug naka paso jud.

Di gyud di ai angay nga mo give up dayon ta, kay mga pagsubok lang na!

Sa tanan nga maka basa aning akong suwat ayaw pagpa kawala ug paglaum kay luyo anang tanan naay mga kalipay.  Diri na lang kutob ug salamat.  

Sanay Ako Na Lang - Kaagi ni Lyn

Dear Prototaloy,

Maayong adlaw kaninyong tanan nga maka basa ani akong kaagi. 

Tawga lang ko ug Lyn, 18 years old,  taga Talamban Jimalalud Negros Oriental.

Sa dili pa nako sugdan sa pagsaysay ang akong kaagi! Akong e request ang song nga “Sanay akon na lang”.

“Seryoso ka Jhake basin baya pagsugot naku nimu basin naa mangaway nako, dili ra ba jud ko ganahan ug away tungod lang sa usa ka lalaki.”

“Ug kinsa man pud mangaway nimu?” Ambot lang wala ko masayod kay bag-o pa baya ko dinhi sa Dumaguete.”

“Lyn!”

 “Yes Jhake.”

“Ilis tag sim para masiguro nato nga wala jud tay laing uyab.”

“Oh! Sige kana.”

Pagka gabii naay nagtext sa number ni Jhake . Ingun ang nagtext “Yham puedi ta magkita?” Ug akong gereplyan akong giingnan nga uyab ko ni Jhake.  Giaway ko sa maong babae nga iya lang si Jhake.  Akon a sad gi-replyan ang maong babae nga “mahal man nako si Jhake, pero andam nako siyang bulagan para nimu.”

Unya si Ghelz ingun ang igsoon ni Jhake nga si Ghelz, mangita siya ug paagi nga magkabulag sila. Ug magkabalik me sa iyang magulang.  Ug tood man, nagkabalik Jud me ni Jhake pero wala gihapon me nagdugay.  9 months rami ni Jhake. Kay nisulod pud ko ug trabaho na bantay ug bata sa Silliman.

Sige ra gihapon me ug text ni Jhake bisan ug bulag nami niya . Love ra namo ang usa’g usa.  Ug karon naa siyay uyab, pero gihimo ra niyang pampalipas oras. Ug karon naa ra gihapon me communication ni Jhake.  

Nag estorya me sa igsoon ni Jhake nga si Ghelz, ingun si Ghelz nga “sukad nagbulag mo ni kuya Jhake iya na gisudlan ang tanang bisyo.”

“dai ghelz, looya good niya.” 

Ug dinhi ra kotob ang akong suwat ug ka nimo  Jhake kung makabasa ka aning akong gisuwat hinaot nga mag usab ka.

Love Story ni Raf ug Claudete

Dear Prototaloy,

Hello tawaga lang ko sa pangalan nga Claudette.

Gusto nako mahimo ug inspiration sa tanan, kaning akong kaagi sa gugma. Usa ka adlaw nagkatext mi ni Ate Jay uyab sa akong agaw. Gihangyo ko nya nga gusto makipagtextmate nako iyang ig-agaw nga si Raf. Nisugot ko makipagtextmate niya, gaan akong buot unya bisan pa man ug usahay strict siya. Nagdugay mi ug textmate ug bisan wala pa mi nagkita in person nagka uyab jud mi. Bakasyon nato ug nagkasabot mi nga magkita.

Niadto sya sa Davao City kay didto man ko nagwork at the same time nagskwela. Naa pud balay iyang auntie sa Davao. Nagkasabot mi nga sa park mi una magkita. Sige lang mi ug texanay para dili mi maglisod ug pangita sa usa’g usa kay tungod lagi daghan tao. Nagkita jud mi. Nagkagustuhay mi duha ug maayo ang dagan sa amung relasyon. Nilabay ang usa ka semana gikan sa una namong panagkita nagsabot na pud mi nga manuroy sa mall, kay naa pud daw siya isulti nko. Sa sinehan mi ato nga time nga nagstorya sya nako ug mahitungod sa iyang kahimtang."Dear kung mahibal-an nimu ang tinuod dili kaha ko nimu biyaan?" nangutana si Raf nako. Ambot ako neutral lang akong reaction, wala ko makuyawe. Niingon ra pud ko bisan unsa mahitabo dili taka biyaan. Didto niya gisulti nako nga aduna siyay congenital disease sa iyang mata gitawag na retinitis pigmentosa, muabot ang panahon mabuta siya. Walay tambal sa maong sakit ug dili puedi maoperahan. Pagkahibalo nako sa tinuod mura ra ug okey nako siguro ang giisip lang nako ang karon ug dili ang ugma. Enjoy ko pag kauban nako siya.

Niabot mi ug 2 ka tuig mag uyab usa nakuha niya akong pagkababae. Mahal namu ang usa’g usa. Niabot ang panahon nabuntis ko ug siya wala nag duha-duha nga minyoan ko. Gikasal mi ug Muslim wedding kay Muslim man siya. Akong mama supak sa akong kaminyoon kay tungod Muslim unya bulag pa jud kuno. Nagtuman jud ko sa akong gusto nga magpakasal kang Raf bisan pa wla akong pamilya. Kadto nga panahon makakita pa man si Raf. Nanganak mi ug batang lalaki pero 9 monts ra namu nakauban ang baby kay namatay kini tungod sa sakit.

Nilabay ang 3 years namabdos na pud ko ug usab ug nanganak mi ug baby girl. Siya si Aisha, malipayon mi uban among anak. Nag edad si Aisha ug 2 yrs old ug niabot pud ang panahon nga nawala na jud sa dayon ang panan-aw ni Raf. Sakit apan gidawat nako kay mahal nako siya. Bisan pa man bulag na siya productive gihapon siya kay panan-aw ra may nawala niya. Mulihok man siya ug tabang nako sa balay. Ang tinuod nikayod siya aron mi mabuhi naga home service siya ug massage kay usa naman siya ron ka massage therapist. Swerte gihapon ko nga siya akong nabana kay wala ko problema nya. Good provider sa amung pamilya, mapinanggaon sa iyang mga anak.

Karon aduna nami duha ka mga anak puro babae. Para sa tanan nga makabasa ani akong kaagi, kung mahal nimu ang usa ka tao dawaton nimo siya kung unsa jud siya.

Ug ang among theme song "When you say nothing at all".

Ang kaagi ni Jirelyn

Dear Prototaloy,

Maayong adlaw sa tanan, Ako si Jirelyn Gasta, 22 anyos nagpuyo sa Carmen, Agusan Del Norte. Sugdon ko ang akong kaagi sa Manila pako. Nagtrabaho ko sa Manila isip working student. Usa ka adlaw niana samtang nag-open ko sa akong facebook account naka chat ko sa akong friend nga si Marife ni message ko niya ug pangumusta ug me reply siya ug “ok lang ko, ug ikaw kumusta na pod ka?” Gi replayan pod dayon nako siya ug “I’m not okay dai, kay wala koy boyfriend.” dala nako joke sa iya.  Ug unya gitagaan ko niya ug phone number sa iyang ig-agaw nga si Ronnel. Nagkauyab me sa lalaki pinaagi sa cellphone tungod kay sa Butuan City man kini nagtrabaho isip us aka Collector.  December 27, mi bakasyon ko sa among probinsya para sa New Year makauban nako ang akong pamilya, ug ang akong boyfriend. Sa pier palang gisugat na dayon ko sa akong boyfriend, first time to namo nga kita sa personal.

Gibati dayon ko ug paghigugma sa maong lalaki kay buotan man sa akong tan-aw. Malambing na lalaki ug dili bastos.  Siya na ang lalaking gusto nako makauban sa akong tibook nga kinabuhi. Kada adlaw magkuyog ming duha ug laag sa mall, manan-aw ug sine. One time, nagabin-an me ug uli gikan nanuroy, miingon sya nako ''bhe mag check-in ta sa hotel ug one night kay mangabasa ta kay kusog ang ulan.” Tungod lage nagmotor ra me misugot na lang pud ko nga mo check-in me sa usa ka hotel. Nahadlok ko nga mosulod sa kwarto tungod kay naglikay ko sa dili angay na mahitabo. Ni kiss siya nako ug migakos siya nako dayon miingon ''bhe I love you''.  Mibalos ko sa iya ug ingon ug “I love you too bhe.”  Hapit namo wala mapugngan ang panghitabo, tungod kay gimahal ko niya nakasabot siya sa akong sitwasyon nga usa pa ka studyante.

Kada December lang ko makauli sa among probinsya ug one week lang ang vacation mao grabe ko kamingaw sa akong uyab tungod lagi kay Long Distance Relationship.  Abi nako nga magmalipayon na me sa hangtod, pero na shock nalang ko sa akong nabalitaan na naa na siya'y lain. Ang reason niya, dili na ko niya mahal. Grabe kasakit sa akong dughan, wala ko magtuo nga akong gimahal magluib nako. Halos dili nako mokaon, tulala ko permi, napabayaan na nako akong kaugalingon.

Kadugayan, hinay-hinay na ko naka move on. Nahunahuna nako nga kaya nako e-enjoy ang akong kaugalingon nga walay boyfriend. Sa pagkakaron nagtrabaho ko sa Manila ug gitagaan nako ug oras ang akong kaugalingon mag enjoy. Kamong mga lalaki ayaw ninyo binuangi ang inyong mga girlfriend. Mahala ninyo ug panggaa maski dili ninyo permi makauban kay ang tinood na pagmahal dili batayan ang distansya. Dinhi nalang ko kutob.

Ug ang akong gusto nga awit “Hindi na Bale” by Jessa Zaragosa

Love life of Chacha

Dear Prototaloy,

Akong kaagi sugdan natu sa nag trabaho pako diri sa usa ka sikat nga planta ni adtong tuig 2012.  Dalaga pako adtong panahuna, 18 anyos ang panoigon.  Naa koy mga barkada, 7 mi kabuok.  Kung wala ko, mingaw sila kay may pagka boangon og kwela kaayo ko, tanan baba nila waka jud matag oras mag uban mi. Naay usa ka adlaw ana sweldo namo, nag withdraw mi sa among sweldo sa ATM, pag human nako ug linya ni duol akong mga barkada, nang hangad nga mag tagay daw mi.  Siempre walay binuhi atong panahona, uban sad ko.  

Unya, naa koy mga problema adto nga time kabalo na ako mga barkada tungud sa akong parents nga nag bulag kay nangabit man akong papa.  Unya mga ala-una na ga sige pa gihapon ug shot, wala nay jeep nga masakyan pa uli.  Gi pugngan ko ni Erma kay mura daw ko ug others. Ni sabay nalang ko bisag lawom na ang kagabhion. Pamahala na kay na sugdan naman, bahala na si batman! .

Unya si Erma ni duol nako ni ingon siya “bayot mo uli nako kay kapoy na.”  Ako siya nga gitubag “dawbi ako paabota sa nga makasakay ko sa jeep”, ug nitubag sad sya nga “OK”. Ni hunong nami ug disco kay disco man to among gi adtuan. Ni abot nag 1 ka oras wala nay jeep nga niagi.  “Bayot patay jud ku ani sakung mga iyaan nga wala pako mauli mo report nasad to sila sa akong mama nga BARKADISTA nako.”  Gikataw-an ko ni Erma, “ Sos bayot karun rani happyhappy lang ba nga daku tag kita. Ayaw kabalaka naa bitaw si Mark oh.”  “Mark ayaw bya-e si Chacha ha.”  Ni pasalig sad si Mark,  Pero na abtan nami oras wala pa gyapun, ako nalang sila gipalakaw, unya ako nag pabilin sa dalan kauban si Mark ug iyang mga ig-agaw. Abi nako safety nako nila. Ni ingon pa si Mark nako “Cha sa house nalang ta tulog.”  Ingon ko “huh!” Naa si Dian didtu barkada nako iya manghod man.  Ingon siya “ouh naa.” So gi sunod nalang ko adtu, igka momo naku iya ko gi alalayan. Sa akong ka hubog wala ko kahibalo na abot nami sa ila balay.

Unya mga 3 am nakamata ko nga wala nakoy tapot sa lawas, napaak nako akong baba, naka sulti ko “oh my god! Naay nahitabo namo ni Mark??!!!” Huhuhu unsaon ko man ni pag atubng sa akong barkada ugma nga naay nahitabo namo sa iyang kuya. Shit, nag dali-dali ko ug ilis og kuha sa akong bag, nag hinay-hinay kog lakaw nga di siya makakita.  Unya ni lakaw ko nga walay saba. Naabot ko alas 4 sa balay sa akong iyaan. Ni deritso ko sa balay sa amung gi sak-an nga kami ra sa akong ig-agaw. Ni tiwas ko ug katulog. Kapoy kaayo ko unya sakit aku lawas. Nakamata nalang ko mga ala 7 am na wala na ko ka duty . Pag tan-aw nako sa akong cellphone naa nay mga text ni Mark, asa daw ko na paingun, kay iya daw ko gipangita. Ako rang gi replayan nga nia nako sa amo-a tulog man gud ka maong ni uli nalang ko. Ni ingon siya “namukaw unta ka kay gi hatud tika.” Ingon sad ko naulaw ko ug disturb, samot na sa atong nahitabo unsa may ako ika atubang aning Dian?” Ana sya “ay sos ako bahala sa imo.”

Unya na abot ang pila ka adlaw namung text-text ni Mark mura namig kami, sukad sa naay nahitabo, pero wla kaayo ko padala sa moment adto one time ra sad namo to nabuhat.  Pero fertile na diay ko adto.  One day, nag chika mi ni Dian nga mo uli na kuno iya kuya sa Lanao del Norte didto sa ilang probinsya. Wala ko nag pahalata niya nga nag luya ko pagkahibalo adto.

Aftr 3months, na usab akong mga taste. Pati lotion, cologne ug dili nako ganahan ug skiny nga hugot, unya katol akong totoy.  Ug pinaka worse pa wala ko gi dugo.  Buntis na diay ko adto.  Ni uli ko sa ama-a.  Wala akong papa kay tua sya sa lugar nga nagpakalipay nya.  Iya na man mi gipasagdan may gani ako mama naningkamot nga iya nataguyod akong manghod nga usa kabuok. Ug nag hinuktuk ko ana nga bahin kay wala ko katabang ni mama pag padayon labi na karun nga naa na koy anak.

Ako gi sultian akong mama nga buntis ko.  Iya ko gi sugo nga mag tunaw kape didto ko ka lugar pag storya. Ako gi ignan si mama nga buntis ko.  Ingon siya “kinsay amahan?” Ingon ko, “wala na siya ma dili pa kuno siya handa managot.” Ingon akong mama “unsa may plano nimu.” Ingon ko, “ako buhion ma, bahalag wala siyay papa.”  Kaluoy sa ginoo wala ko kulataha sa akong mama.  After one month, ni hawa ko sa akong trabahuan kay end contract naku wala nako nag pa-renew.  Unya ni uli akong papa kay nakahibalo siya nga buntis ko. Iys ko gi istoryahan pero kaluoy sa diyos wala ko kulataha sa akong papa. Pasalamat kaayo ko adto.  

Akong gi atiman akong baby sa akong tiyan ug gipasagdan nako ang mga storya sa mga silingan, nag pa pre-natal ko kada bulan. Nangita ko ug pamaagi nga di ko mag salig sa akong ginikanan.  Akong gi baligya akong memory nga 8GB para pa midtech, ako dayon gi baligya akong cellphone para pa ultrasound. Ang akong pag panganak libre sa health center.  Ang gamit sa akong anak, naa man koy gibuhi nga baboy mao akong baligya.

Sad to say ni hawa na sad ako papa sa amoa kay nag-away nasad sila sa akong mama tungod sa kabit.  Unya ni labay ang tuig naa na koy anak ni uli ug balik akong papa. Pag mata nako wala na akong anak iya na gi dala-dala.  Nag banha ko kay wala na akong anak sa akong tapad,  wala man diay ko kabantay na abot akong papa mga ala-una sa kadlawon, hinanok akong tulog.

Nakita nako among lamisa puno sa pasalubong wala nalang ko nag yaw-yaw pa ni papa gipasagdan na lang nako siya. Bisan wala siya sa akong pag panganak. Maau ang dagan sa akong kinabuhi adto. Ang akong papa nag tarong na, nagtrabaho para namo ug sa iyang apo kay usa raman iya apo unya lalaki pa jud kay kami sa akong igsoon duha ka babae.

Nilabay ang panahon, usa n aka tuig akong anak, nakapanarbaho ko, ug ako na handaan ang iyang birthday.  Lechon baboy ug mga putahi akong gi paningkamot, gi gatas pa jud nako bisag lisud, akong gi agwanta.  Ni abot ug 2 yrs akong anak, naka uyab ko, ug akong gi-open sa akong family pero wala mi nag dugay kay naa siyay gika buangan nga babae minyu pa jud.  Nasakitan kaayo ko kay gi ayo-ayo ko pag text sa babae niya, pa as if ba nga ako uyab ang nag text pero ma klaro gud sa tinisan ako lang gi pasagdan.

Sakit kaayo iya mga text, usa ra akong gi ingun “ayaw na nako pang hilabot kay kahibalo baya ko ikaw ni iyang kabit basin maulawan ka, wala man ko ma hangol niya siya raman  and ga sige anhi sa amoa, imuha na kana.” Nag bulag jud mi.  Naay manguyab nako ako na lang gi deadma.  After mga years nilabay naka barkada kog lalaki, unya nag ka close me, akong na share niya ajong kasakit ug kalipay, ug siya sad. Komedyante, parehas mi mawala akong kakapoy kung siya akong ka text ug katawag inig out nako sa trabaho.

Nay mga naguyab nako ako na lang gi pang deadma. Naka ingon ko nga wala gihapon mag dugay ani kay angkan ko, ako nalang gi suod akong mga barkada, ni balik ko pag pamarkada pero naay limit mo uli kog weekend samoa para sa akong anak ug wala ko nag pabaya. Happy nako ani kay bisag naa koy anak nabuhi nako sa akong sariling sikap. Bisan pa man ug naa akong parents nga dili pakit-on ang amahan sa akong baby puhon dili nako ma promise sa ila kay kung wala siya wala koy anak karon.

Sa karon nag pabilin gihapon kong single mom. Ug akong family buo na, sukad naa nay apo sila, nag sugod na si papa sa uno. Nag uma ug ako nag trabaho sa syudad para sa akong anak ug ako manghud nag skwela usab, enough nani para nako. Ug kung hatagan man gani ko ni God ug lalaki, unta dawaton niya ang akong anak, kay gusto ko dili nako ibilin akong anak sa akong ginikanan kung maminyo ko puhon.

Para nimu Mark, kung asa ka man karon manghinaot ko nga one day, if gusto nimo makig kita sa imong anak dili nako itago nimo kay anak man ni nato, pero kong gusto ka mo support andam gihapon ko mo dawat para sa pag skwela next year puhon sa atong anak.  Pero kung wala, aw kaya paman sad nako.

Diri ra kutob ug daghang salamat.  GOD BLESS.

Long Distance Relationship ni Rien

Dear Prototaloy,

Tawaga lang ko sa name nga Lorien - just call me Rien!

Ang akong kaagi about sa akong lovelife, una naa koy kakita nga guy nag ka live-in me within 3 years, ug nanganak me ug duha pero wala me makasal.  Apan wala me magkadayon kay naka pabuntis siya sa ako ra sad nga amiga, nga maoy akong gisaligan sa balay kay ako man siya gipasaka dire sa Cebu.  Ug sa dihang akong nasakpan nakig bulag ko niya pero dili unta siya mosugot pero wala jud ko padala niya.

Unya after how many years naka kita napud ko ug guy pero wala me magka anak. Bootan siya sa bag-o pa pero niabot ang time nga nigawas man iyang tinood nga batasan, mogamit naman siya sa ginadili nga drugas ug manapat na siya nako. Wala pa jud siya trabaho ako lang ang naningkamot para sa among ugma kay tapulan man siya magsalig ra siay nako.  Ni abot ang point nga ako jud siya gibulagan.

Pila ka months kita ko ug guy nga ako nang naikasabot bootan, responsible kaau ug gi dawat niya ang akong past.  Ug ngadto sa akong mga anak iya gidawat ang tanan! OFW siya naningkamot para sa among mga plano ug umaabot nga ugma.  Plano na namo nga magpakasal me pag uli na niya. LDR (long distance relationship) me pero among gisalig ang tanan ngadto sa ginoo kay kahibalo ko ang ginoo kahibalo molantaw ug motabang sa tanan basta sangpiton lang.

Palihog ko sa song ang title “IKAW” by Yeng Constantino.

Mila ug Tony Love Story

Dear Prototaloy,

Naa koy isalmot nga love story, bahin kini kang Mila ug Tony, dili kini tinood nila nga pangalan.  Taga Tagbilaran, Bohol silang duha.

Classmate sila si Mila ug Tony sa high school pa. May gitago nga pag bati si Tony kang Mila. Kaso may pagka torpe kind kini si Tony, hasta naunhan nalang siya sa lain.  Kung unsay mga activities sa school mo apil pod si Tony kay para makalugar lang siya ug duol kang Mila. Apan nahuman nalang mi sa high school wala gayud sila mag kauyab.

Unya milabay na ang mga panahon wala na silay balita sa usa’g usa.  Naminyo na sila pareho.  Pero kini si Tony ga sige gihapon ug subaybay si Mila, bisan sa facebook.  Unya sa wala damha, si Tony gibinuangan sa iyang asawa, nabuntis kini sa lain nga laki.  Nanarbaho si Tony para mabuhi niya iyang 3 ka mga anak.

Unya nag ka kita ilang landas sa facebook nasayran ni Tony nga nag bulag pod si Mila ug iyang bana.  Mao nga sa way pag duha-duha wala na gipalampas ni Tony ang higayon iya gayud gi pangulitawhan si Mila sa facebook.

Unya sa wala madugay, gisugot pod kini ni Mila kay buotan man pod si Tony.  Sa karon usa na kabulan ilang relasyon.  Malipayon kaayo sila nga maghulat kung kanus-a sila mag ka chat ug balik.  Tungod sa trabaho ni Tony nga naa sa barko mao nga dili permi sila mag kita, unya lang pag mo dunggo kini sa usa ka lugar.  Malipayon kaayo si Mila nga si Tony ang lalaki nga nagpalipay kaniya karon.  Ug mang hinaot si Mila kanimo Tony nga dili ka mausab ug hinaot kamo na gyud FOREVER.

Daghang salamat.  Palihog sa pag dedicate sa kantang “I never thought that I could love” by Dan Hill.